Datasets:

Minervus00
/

moore_audio_data

audio audioduration (s) 1.53 40.4	text stringlengths 9 500
	Woto n yɩ tõod la noy nins Sẽn-Ka-Saab sẽn kõ a Moyiis t'a kõ Israyɛll nebã, Moaab weoogã pʋgẽ, Zʋrdẽ kʋɩlgã noor sẽn teesd Zeeriko wã.
	Sɩngr wẽndẽ, Wẽnnaam naana yĩngr la tẽnga.
	Tẽngãa rag n ka tar yalẽ ye, a rag n yaa vɩʋʋgo. Likã rag n luda zĩ-zulumsã. La Wẽnnaam Sɩɩgã rag n laanda koomã zugu.
	Dẽ, Wẽnnaam yeelame: «Bɩ vẽenem zĩndi.» La vẽenem zĩndame.
	Wẽnnaam yãame tɩ vẽenemã yaa sõama. La bãmb welga vẽenemã ne likã toore.
	Wẽnnaam pʋda vẽenemã yʋʋr tɩ ‹wĩndga›, la b pʋd likã yʋʋr tɩ ‹yʋngo.› Zaabr la yibeoog zĩndame. Yaa pipi daarã.
	Wẽnnaam yeelame: «Bɩ sa-gãongã zĩnd n welg koomã ne taaba.»
	Wẽnnaam naana sa-gãongo, n welg koom ning sẽn be sa-gãongã tẽngrã ne koom ning sẽn be yĩngrã ne taaba. La a yɩɩ woto.
	Wẽnnaam pʋda sa-gãongã yʋʋr tɩ ‹saasẽ.› Zaabr ne yibeoog zĩndame. Yaa yiibẽ daarã.
	Wẽnnaam yeelame: «Bɩ koomã fãa sẽn be saagã tẽngrã tigim taab zĩ-yende, tɩ tẽn-gãongã puki.» La a yɩɩ woto.
	Dẽ, Wẽnnaam pʋda tẽn-gãongã yʋʋr tɩ ‹tẽnga›, la b pʋd koomã sẽn tigma yʋʋr tɩ ‹ko-kãsemse.› Wẽnnaam yãame tɩ bõn-kãng yaa sõama.
	Zaabr la yibeoog zĩndame. Rẽ yaa rasem a tãab daarã.
	La Wẽnnaam yeelame tɩ ãdsã zĩnd sa-gãongẽ wã, n tõog n welg wĩndgã ne yʋngo. Bãmb na n yɩɩ bãn n wilg wakate, rayã, la yʋʋmã.
	Bɩ ãdsã zĩnd sa-gãongẽ wã n kõt dũniyã vẽenem. La a yɩɩ woto.
	Wẽnnaam ninga bãmb sa-gãongẽ wã, n kɩt tɩ b kõt dũniyã vẽenem.
	La bãmb n so wĩndg ne yʋngo. La b welga vẽenemã ne likã. Dẽ, Wẽnnaam yãame tɩ bõn-kãng yaa sõama.
	Zaabre, la yibeoog zĩndame, rẽ yaa rasem a naas daarã.
	Wẽnnaam yeelame: «Bɩ bõn-vɩɩlɩ pid ko-kãsengã pʋg n saagdẽ, tɩ bõn-yɩgdɩ me zĩnd dũniyã zugu, n yɩgd yĩngri.»
	Woto, Wẽnnaam ning-b-la bark n yeele: «Bɩ y rog n fɩɩg n pid ko-kãsemsã, la bɩ bõn-yɩgdɩ wã fɩɩg wʋsg dũniyã zugu.»
	Zaabr la yibeoog zĩndame. Rẽndã yɩɩ rasem a nu wã daare.
	Dẽ, Wẽnnaam naana ninsaalbã n wẽneg b menga. Wẽnnaam naan-b lame n wẽneg bãmb a Wẽnnaam mengã. Wẽnnaam naana bãmb pag ne raoa.
	Wẽnnaam yãndame tɩ bũmb nins fãa bãmb sẽn naanã sɩd yaa sõama hal wʋsgo. Zaabr la yibeoog zĩndame. Rẽndã yɩɩ rasem a yoob daarã.
	Yɩɩ woto la Wẽnnaam naan yĩngrã ne tẽngã, la bũmb nins sẽn be b pʋsẽ wã n sɛ.
	La sẽn wa n na n ta rasem a yopoe daarã, rẽ tɩ Wẽnnaam naana bũmbã fãa n sɛ. La rasem a yopoe daarã, Wẽnnaam vʋʋsa ne b tʋʋmã fãa.
	Yaa woto la b naan yĩngrã ne tẽngã b naanegã wakate. Wẽnnaam Sẽn-Ka-Saab sẽn wa n naan yĩngr la tẽngã wakate,
	La koom n dag n pusgd n yit n zãgsd tẽn-gãongã.
	Wẽnnaam Sẽn-Ka-Saab yãka tẽngã tom n maan ninsaala. La Wẽnnaam fʋʋsa ninsaal yõ-bogdã pʋga, n ning vɩɩm ninsaal pʋgẽ. La ninsaal lebga nin-vɩɩga.
	Wẽnnaam Sẽn-Ka-Saab rag n maana zẽed zĩig n ning Edɛn tẽngã yaanga, la b rɩka ninsaal bãmb sẽn naanã n ning beenẽ.
	Ko-zoetem n dag n yit Edɛn tẽngã pʋg n zãgsd zẽedã zĩiga. La zẽedã zĩigẽ wã, ko-zoetmã welga ko-soay a naase.
	Pipi Ko-sorã yʋʋr boondame tɩ ‹Pison.› Ko-so-kãng gilga Havɩla tẽngã. Havɩla yaa tẽng sẽn tar sãnem.
	Havɩla tẽng sãnemã yaa sãnem halaale. Soolem-kãng pʋgẽ me, tɩɩs buud sũm sẽn tar yũ-noogo, la kugr buud b sẽn boond tɩ Onigs n be beenẽ.
	Ko-sor a yiibẽ soabã yʋʋr boondame tɩ ‹Gihon.› Ko-so-kãng zoetame n gilgd Kuusa tẽngã.
	Wẽnnaam Sẽn-Ka-Saab talla ninsaal n tɩ ning Edɛn zẽedã zĩig pʋga, t'a ko-a la a ges a yelle.
	La Wẽnnaam Sẽn-Ka-Saab kõo ninsaal noor n yeele: «Fo tõe n dɩɩ tɩɩs nins fãa sẽn be zẽedã zĩig pʋgẽ wã biisi.»
	Wẽnnaam Sẽn-Ka-Saab yeelame: «A ka neer tɩ ninsaal zĩnd a yembr ye. Mam na n maana sõngd sẽn wẽnd yẽnda n kõ-a.»
	Wẽnnaam Sẽn-Ka-Saab rɩka sĩifã kõbr ning bãmb sẽn yãk ninsaalã sĩifẽ wã n naan pag n tall-a n wa ninsaal nengẽ.
	Yaa woto yĩng n kɩte, tɩ rao na n bas a ba ne a ma, n tɩ loe a meng ne a paga. La bãmb na n lebga yĩng a yembre.
	Raoã ne a pagã fãa rag n yaa b zaala, la b rag n ka mi yãnd ye.
	Pagã yeela waafã yaa: «Wẽnnaam yeelame tɩ tõnd tõe n dɩɩ tɩɩsã sẽn be zẽedã zĩig pʋgẽ wã biisi.
	Dẽ, waafã yeela pagã yaa: «Yãmb ka na n tol n ki ye!
	La yaa tɩ Wẽnnaam miime, tɩ yãmb sã n dɩ tɩɩgã bil daare, yãmb yamã na n wekame tɩ yãmb lebg wa Wẽnnaam, n mi sõama ne wẽng n bake.»
	Woto, bãmb b yiibã yam wekame, la bãmb bãngame tɩ b yaa b zaala. Dẽ, bãmb pãnema kankang vãad n sẽgne.
	Wẽnnaam Sẽn-Ka-Saab boola raoã n sok-a yaa: «Fo bee yɛɛnẽ?»
	Wẽnnaam Sẽn-Ka-Saab yeela yẽnda yaa: «Ãnda n yeel foom tɩ f yaa f zaala? M mi tɩ fo ka rɩ tɩɩg ning mam sẽn yeel foom tɩ f ra rɩ wã biis la?»
	Raoã leokame: «Yaa yãmb sẽn kõ maam pag ning t'a be ne maamã n yãk tɩɩgã bil n kõ maam tɩ m dɩ.»
	Mam na n ninga beem foom ne pagã sʋka, la fo yagengã ne pagã yageng sʋka. Pagã yageng na n bedsa fo zugu, la fo na n pogla yẽnda nao-kãsenkãare.»
	Gõos ne mo-gõos na n yii tẽn-gãongã zugu. Weoogã moodã na n yɩɩ fo rɩɩbo.
	A Ãdem pʋda a pagã yʋʋr t'a Hawa, sẽn dat n togs t'a ‹vɩɩm›, yẽnda sẽn yaa nin-vɩɩsã fãa ma wã yĩnga.
	Wẽnnaam Sẽn-Ka-Saab rɩka gãnd n maan fut n yeelg a Ãdem ne a pagã.
	Wẽnnaam Sẽn-Ka-Saab riga yẽnda n yiis zẽedã zĩigẽ, n kɩt tɩ b ko tẽn-gãongã sẽn yaa zĩig ning b sẽn yãk tomã n maan bãmbã.
	A Ãdem bãnga a pag a Hawa, la a rɩka pʋg n dog biig n pʋd a yʋʋr t'a Kayẽ. Pagã yeelame: «Sẽn-Ka-Saab sõnga maam tɩ m dog raoa.»
	Rẽ zugẽ, yẽnda roga a Kayẽ yao a Abɛlle. La a Abɛll lebga rũm-kɩɩmda rũm-bãoonego, t'a Kayẽ yaa ka-koaada.
	La sẽn be n beẽ, a Kayẽ yãka bõn-koaadlã biisi, tɩ yaa kũuni, t'a na n kõ Sẽn-Ka-Saabo.
	La Sẽn-Ka-Saab ka reeg a Kayẽ ne a kũunã ye. Dẽ kɩtame, t'a Kayẽ sũurã puug hal wʋsgo, hal t'a nengã gãneme.
	Sẽn-Ka-Saab soka a Kayẽ yaa: «Yaa bõe tɩ fo puugd f sũur woto tɩ f neng gãneme?
	Woto, a Kayẽ goma ne a yao a Abɛll gomde. La bãmb sẽn wa n be we-kɛɛnga, a Kayẽ yika zabr ne a Abɛlle, n kʋ-a.
	Rẽ zugẽ, Sẽn-Ka-Saab soka a Kayẽ yaa: «Fo yao a Abɛll bee yɛɛnẽ?» La yẽnda leokame: «Mam ka mi ye! Rẽ yĩnga, mam yaa m yao wã gũud la?»
	Dẽ, Wẽnnaam leb n yeel-a lame: «Yaa bõe la fo sẽn maanã? Fo yao wã zɩɩm bee tẽn-gãongã zug n kelemdẽ tɩ tat maam.
	Moasã, kãab-wẽng bee fo zugu, fo na n zãaga ne tẽng ning sẽn yaag a noor n deeg fo yao wã zɩɩmã fo sẽn daag ne f meng nusã.
	Fo sã n ko tẽn-gãongã, a ka na n leb n kõ foom a bi-sõama wã ye. Fo na n yeeba dũniyã, n ka yas zĩ-yɛng ye.»
	A Kayẽ yeela Sẽn-Ka-Saab yaa: «Mam kongrã sɩbgr yaa kãseng wʋsg n yɩɩd mam sẽn tõe n zɩ.
	La a Kayẽ yii Sẽn-Ka-Saab taoor n loog n kẽng n tɩ zĩnd Noodg tẽngã sẽn be Edɛn zẽedã zĩig yaangã. A Kayẽ kamb ne a yagense
	A Enok n dog a Iraade, t'a Iraad dog a Mehuyayɛlle, t'a Mehuyayɛll dog a Metusayɛlle, t'a Metusayɛll dog a Lemeke.
	A Lemek peega pagb a yiibu, t'a yembr boondẽ t'a Ada, t'a to wã yʋʋr yaa a Sɩla.
	A Ada roga a Yaballe. Neb nins fãa sẽn be fu-rot pʋsẽ n gʋʋnd dũmsã yaa a Yaball yagense.
	A Yaball yao wã yʋʋr boondame t'a Yuballe. Neb nins sẽn wẽed pends la b peebd wɩɩsã yaa yẽnda yagense.
	La a Sɩla roga a Tuball-Kayẽ. Yẽnda yaa sãy n kut zũud ne kut teed buudã fãa. A Tuball-Kayẽ yao bi-puglã yʋʋr la a Naama.
	B sã n dok b sũur naoor a yopoe a Kayẽ yĩnga, b na n doka b sũur naoor pis-yopoe la a yopoe maam a Lemek yĩnga.»
	A Sɛt me paama bi-ribla, n pʋd a yʋʋr t'a Enoose. Dẽ, sẽn sɩng ne wakat-kãnga, nebã sɩngame n pʋʋsd ne Sẽn-Ka-Saab yʋʋre.
	Ad sebr ning sẽn wilgd a Ãdem yagensã. Daar ning Wẽnnaam sẽn naan ninsaalbã, bãmb naan-b lame n wẽneg b menga.
	Wẽnnaam naana bãmba, raoa la paga. Wẽnnaam ninga bãmb bark n pʋd b yʋʋr tɩ ninsaala, b sẽn naan bãmbã wakate.
	A Ãdem sẽn wa n tar yʋʋm koabg la pis-tã, a roga bi-ribl n wẽneg a menga, wa yẽnda yalẽ wã sẽn yaa to-to wã, la a pʋda a yʋʋr t'a Sɛte.
	A Ãdem vɩɩmd n kaoosa yʋʋm kobs-nii a Sɛt rogmã zugẽ. La a roga kom-dibli la kom-pugli.
	A Ãdem vɩɩmã tɛk fãa yɩɩ yʋʋm kobs-wɛ la pis-tã, la a kiime.
	A Sɛt sẽn wa n tar yʋʋm koabg la a nu, a roga a Enoose.
	A Enoos rogmã zugẽ, a Sɛt vɩɩmd n kaoosa yʋʋm kobs-nii la a yopoe, la a roga kom-dibli la kom-pugli.
	A Sɛt vɩɩmã zãng yɩɩ yʋʋm kobs-wɛ la piig la a yiibu, la a kiime.
	A Enoos sẽn wa n tar yʋʋm pis-wɛ, a roga a Kenan.
	A Kenan rogmã zugẽ, a Enoos vɩɩmda yʋʋm kobs-nii la piig la a nu, la a roga kom-dibli la kom-pugli.
	A Enoos vɩɩmã zãng yɩɩ yʋʋm kobs-wɛ la a nu, la a kiime.
	A Kenan sẽn wa n tar yʋʋm pis-yopoe, a roga a Mahalalɛlle.
	A Mahalaleyɛll rogmã zugẽ, a Kenan vɩɩmda yʋʋm kobs-nii la pis-naase, la a roga kom-dibli la kom-pugli.
	A Kenan vɩɩmã zãng yɩɩ yʋʋm kobs-wɛ la piiga, la a kiime.
	A Mahalaleyɛll sẽn wa n tar yʋʋm pis-yoob la a nu, a roga a Yerɛɛde.
	A Yerɛɛd rogmã zugẽ, a Mahalaleyɛll vɩɩmda yʋʋm kobs-nii la pis-tã, la a roga kom-dibli la kom-pugli.
	Mahalaleyɛll vɩɩmã zãng yɩɩ yʋʋm kobs-nii la pis-wɛ la a nu, la a kiime.
	A Yerɛɛd sẽn wa n tar yʋʋm koabg la pis-yoob la a yiibu, a roga a Enoke.
	A Enok rogmã zugẽ, a Yerɛɛd vɩɩmda yʋʋm kobs-nii, la a roga kom-dibli la kom-pugli.
	A Yerɛɛd vɩɩmã zãng yɩɩ yʋʋm kobs-wɛ la pis-yoob la a yiibu, la a kiime.
	A Enok sẽn wa n tar yʋʋm pis-yoob la a nu, a roga a Matusela.
	A Matusela rogmã zugẽ, a Enok tũu Wẽnnaam yʋʋm kobs-tã, la a roga kom-dibli la kom-pugli.
	A Enok vɩɩmã zãng yɩɩ yʋʋm kobs-tã la pis-yoob la a nu.
	A Enok tũu Wẽnnaam, la a wa n ka beẽ ye. Bala, Wẽnnaam zẽk-a lame n looge.
	A Matusela sẽn wa n tar yʋʋm koabg la pis-nii la a yopoe, a roga a Lemeke.
	A Lemek rogmã zugẽ, a Matusela vɩɩmda yʋʋm kobs-yopoe la pis-nii la a yiibu, la a roga kom-dibli la kom-pugli.
	A Matusela vɩɩmã zãng yɩɩ yʋʋm kobs-wɛ la pis-yoob la a wɛ, la a kiime.
	A Lemek sẽn wa n tar yʋʋm koabg la pis-nii la a yiibu, a roga bi-ribla.
	A Nowe rogmã zugẽ, a Lemek vɩɩmda yʋʋm kobs-nu la pis-wɛ la a nu, la a roga kom-dibli la kom-pugli.
	A Lemek vɩɩmã zãng yɩɩ yʋʋm kobs-yopoe la pis-yopoe la a yopoe, la a kiime.
	A Nowe sẽn wa n tar yʋʋm kobs-nu, a roga a Sɛm, a Kam ne a Zafɛte.

End of preview. Expand in Data Studio

~70h of Mooré paired audio+text data from jw.org and jwsoup

Headers: audio, text

Downloads last month: 79